അ’ എന്നയക്ഷരത്തിൽ തുടങ്ങും
അനവധി പദങ്ങളുണ്ടെങ്കിലും
അത്ര പെട്ടെന്നൊന്നും തോന്നായ്കയാൽ
അല്പനേരം ചിന്താമഗ്നനായ് ഞാൻ;
അതിനിടെ എന്നന്തഃകരണത്തിൽ തോന്നി
അതിദ്രുതം അനേക പദങ്ങൾ.
അങ്ങനെ കുത്തിക്കുറിച്ചു ഞാൻ
അനസ്യൂതമീ വരികൾ

ഇന്നലെകൾ

ഇന്നലെകൾ കേവല സ്മൃതിയായി,
ഇനി നാളെകളേറെ അനിശ്ചിതം,
ഇന്നാഹ്ളാദിക്കാം മതിമറന്നെല്ലാർക്കും.
ഇല പൊഴിയും ശിശിരം പോൽ
ഇന്നുകൾ വന്നുപോകുന്നൊന്നൊന്നായ്;
ഇനിയും കാത്തിരിക്കാമൊരു നാളേക്കായ്.

ഉത്തമം കൈലാസം

ഉത്തരഭാഗേ ദർശിക്കാം നമുക്കാ
ഉത്തുംഗ ശൃംഗങ്ങളനേകമതിൽ
ഉത്തമം കൈലാസമേറെ പാവനം.
ഉണ്മയോടെന്നും രക്ഷിപ്പൂ നമ്മെ
ഉത്തമനാം ഭവാൻ കൈലാസനാഥൻ
ഉർവ്വിയിലെങ്ങും അനുഗ്രഹം വർഷിപ്പൂ.