പരിസ്ഥിതി ശാസ്ത്രം പഠിച്ചതുകൊണ്ട് വംശനാശ ഭീഷണിയുടെ വിവിധ തലങ്ങളെ കുറിച്ചും വംശനാശം സംഭവിച്ച ജീവജാലങ്ങളെ കുറിച്ചും ഒട്ടേറെ ക്ലാസുകൾ കേട്ടിട്ടുണ്ട്, വായിച്ചിട്ടും ഉണ്ട്. എന്നാൽ അന്നൊന്നും അത് കേട്ടപ്പോൾ തോന്നാത്ത – സങ്കടം, ദുഃഖം – എന്നൊക്കെ പറഞ്ഞാൽ ആ വികാരം ഒതുങ്ങുമോ എന്നെനിക്കറിയില്ല – അതാണ് ഈ ഒരൊറ്റ video എന്നിൽ ഉണ്ടാക്കിയത്. ഞാൻ ഉൾപ്പെടുന്ന മനുഷ്യകുലം – എല്ലാത്തിലും ഒന്നാമൻ എന്ന് അഹങ്കരിക്കുന്ന നമ്മൾ തന്നെ ശ്വസിക്കുന്ന വായുവും കുടിക്കുന്ന വെള്ളവും നിൽക്കുന്ന ഭൂമിയും വിഷമയമാക്കുമ്പോൾ, നാളേക്ക് ഇല്ലാതെ നശിപ്പിക്കുമ്പോൾ, എത്രയോ ജീവികൾ ആണ് അനുദിനം ഇല്ലാതാകുന്നത്! നമ്മൾ ഇതൊന്നും ചിന്തിക്കാൻ താല്പര്യപ്പെടാറില്ല. എന്നാൽ ആ ഒരു ചെറുപ്പക്ഷിയുടെ നൊമ്പരം – അത് കണ്ടപ്പോൾ ഞാൻ ഒന്നേ ആലോചിച്ചുള്ളൂ. ഭൂമിയിലെ അവസാന മനുഷ്യന് – തൻ്റെ രൂപസാദൃശ്യമോ, സ്വഭാവമോ ഭാഷയോ ഉള്ള ഒരാൾ പോലും ഈ ലോകത്തിൽ ശേഷിക്കുന്നില്ല എന്ന് തിരിച്ചറിയുന്ന ആ അവസാന മനുഷ്യന് – അവൻ പൊട്ടിക്കരയുമ്പോൾ ആശ്വാസമാകാൻ ഒരു മരത്തണലെങ്കിലും ശേഷിക്കുമോ!?

കാവു